Nogara archivos - Radio Topo

Tierra de barrenaus 11×01. Una nueva temporada

7 octubre, 2024 No hay comentarios

Ya somos tornaus. Dimpués d’o mereixiu descanso estiver nos fiquemos en lo cado d’o taboner pa empecipiar una nueva temporada, la oncena, d’ista aventura radiofonica que ye Tierra de barrenaus. Ye una tornada con ganas a embute, de fer radio, de colaborar a la difusión y dignificación de l’aragonés y de ascuitar y dar voz a todas las iniciativas d’a buena chent que treballaz por la nuestra cultura y los nuestros dreitos colectivos. Y precisament ixa queremos que siga lo sinyal d’ista nueva temporada: la vuestra colaboración. Aguardamos en candeletas que nos faigaz arribar todas las vuestras inquietuz: convocatorias, noticias, propuestas, cancions… Tenemos los micros ubiertos pa tot lo que nos contez. Contactaz-nos a traviés d’os rez u en tierradebarrenaus@gmail.com. En iste primer programa hemos quiesto empecipiar con una d’as nuevas seccions, Pase de prensa, a on que comentaremos noticias de rusient actualidat u no pas tanto. Trayemos tamién una patacada

Victorias. Tierra de barrenaus 9×17

9 mayo, 2023 No hay comentarios

Fa bel anyo escribiba un post sobre la redota, ixe sentimiento que tant a soben pateixco y que s’instala de camín en la vida de cualsequier activista d’izquierdas. En iste nuevo programa de Tierra de barrenaus viacho ta l’atro cabo, a fer-le una uellada a ixe atro sentimiento que tant poquico podemos disfrutar: la victoria. Dimpués de tot iste tiempo de militancias, me pienso que nos cal aprender mesmo a reconoixer-las porque, de cabo ta cuan, nian en paramos cuenta, de que hemos ganau. Ye verdat que cuasi todas las vegadas son victorias parcials, chiquetas, temporals y que no son que un chiquet paso entabant pa conseguir los nuestros obchetivos finals. Pero, sin deixar de luitar ni creyer que tot ye feito, reivindico celebrar ixos momentos, quere-nos una miqueta, espolsar-nos lo pesimismo y paladiar los fruitos que da la organización popular. Empecipiamos lo programa con un resumen d’as Chornadas d’as luengas d’Aragon que organizó Nogara entre lo 14

O zaguer chilo VI. Tierra de barrenaus 9×14

28 marzo, 2023 No hay comentarios

Ya tenemos unatra edición de O zaguer chilo, lo disco que edita totz los anyos l’Asociación Cultural Nogara y que replega vinte cancions de vinte bandas d’o país gravadas en aragonés. Se publica dimpués d’a polemica de l’anyo pasau quan los representants institucionals d’o faixismo censuroron lo disco por la suya portalada, una obra d’arte de Eva Cortés que acabó ganando lo premio d’a mosica aragonesa a millor disenyo. O zaguer chilo sigue entabant gracias a tot lo treballo d’as mosicas que han quiesto participar-ie y fer asinas que l’aragonés ixample las suyas mugas arribando a muitas mas orellas. Y tamién gracias a toda la chent que l’ha feito posible. Entre ells, lo suyo coordinador, Cherardo Callejón, qui ye veniu t’o programa a explicar qué ye O zaguer chilo y que mosicas imos a trobar en ista nueva edición. Lo disco ye un buenismo eixemplo d’a diversidat aragonesa. I hai

Tierra de Barrenaus 9×02 Cursos d’Aragones 22_23

11 octubre, 2022 No hay comentarios

Un curso mas la chent de l’Asociación Cultural Nogara – Religada ubre las puertas d’a suya escuela pa empecipiar los cursos d’aragonés 22/23. Contamos en l’estudio con Serchio, Jorge y Antón qui nos charrarán d’a ufierta formativa d’estianyo, d’a chornada de Devantadera d’os cursos y de tot lo que se fa en l’asociación. Tamién tendremos la experiencia de Vero y Aimar, que nos han deixau las suyas aportacions sobre los cursos.Tamara nos charrará d’o 15 aniversario d’a Ciclería, ista cooperativa d’a bicicleta que se celebró con una chornada a on que bi habió de tot. David nos recontará cómo se lo pasó en lo festival d’humor Enluquecidos, que se fació lo pasau mes en Luco de Xiloca. Y pa rematar tos trayemos un festival pa iste agüerro que fa muit buena mina: lo Festival contra la despoblación d’Allepuz.Como lo concello no quier que se sienta la mosica tradicional aragonesa, tot

Tierra de barrenaus 9×01. de festival en festival

27 septiembre, 2022 No hay comentarios

Empecipiamos lo nuevo curso y la nueva temporada de Tierra de barrenaus fendo una uellada entazaga y pa ixo, con Tamara, repasamos belún d’os festivals que hemos viviu en iste verano: Tamborilé, Poborina folk, PIR, Pirineos Sur, Aplec dels Ports y Vive Latino. Chorche nos recuenta como estió la zaguer edición d’a Feria Replega de coleccionismo celebrada en Monzón.Ya mirando ent’o futuro tos charramos de quantas citas pa lo cabo de semana d’o 1 d’octubre. En Fonz se celebra lo Ixufrina Rock, un festival por l’aragonés con presencia d’a-saber-los grupos que dende lo scenario farán sonar las suyas cancions en aragonés, catalán y occitano. En Zaragoza, Nogara celebrará la suya tradicional Devantadera que nos anuncia Edu, y La Ciclería fa 15 anyos con una chornada plena d’actividatz que nos recuenta Tamara.

Tierra de barrenaus 8×16. chornadas d’as luengas y mas ixo rai

18 abril, 2022 No hay comentarios

Tornan, dimpués d’o tiempo d’as restriccions por la pasa, las Chornadas d’as luengas d’Aragón que organiza l’Asociación Cultural Nogara – Religada. Un programa que se desarrollará entre lo 18 y lo 26 d’abril y que, igual como totz los anyos, acullirá charradas sobre las luengas, antimás d’a prochección d’un documental y una trobada d’escalada en aragonés. Repasamos tot lo programa d’as chornadas y charramos d’os suyos protagonistas.En la segunda parte seguimos replegando testimonios sobre lo que significó pa muitas aragonesas lo grupo Ixo Rai y lo que asperamos d’a suya tornada t’os scenarios iste 23 d’abril.Pa rematar, convocatorias y una primicia que tos ufro en lo programa antes d’anunciar-lo publicament. En lo calaixo de cancions, un nuevo tema d’o calaixo laboral sobre lo treballo de cambrera, un d’os que menos prestichio tien y, por tanto, piors condicions. Y muita mas mosica, prou que sí.

Tierra de Barrenaus 8×03 O Zaguer Chilo V

21 octubre, 2021 No hay comentarios

Un anyo mas recibimos en TdBradio con a-saber-la alegría la publicación de O zaguer chilo, en iste caso d’a suya cinquena edición. Iste disco, promoviu por l’Asociación Nogara, replega 20 cancions en aragonés de 20 bandas aragonesas que han quiesto colaborar-ie.En ista ocasión sí que s’ha puesto presentar en un concierto adintro d’as no-fiestas d’o Pilar. Manimenos, las midas anticovid y lo caos organizativo d’o concello facioron que muitas personas se quedasen sin disfrutar d’a presentación d’o disco.En l’estudio m’acompanya Cherardo Callejón, coordinador d’o disco y Tamara Marzo, con qui comentamos tot lo prochecto d’O zaguer chilo y sentimos beluna d’as suyas cancions.

Tierra de Barrenaus 8×02 Cursos d’aragones

14 octubre, 2021 No hay comentarios

Con lo curso lectivo empecipian tamién los cursos d’aragonés. En Tierra de barrenaus tornamos a contar con l’Asociación Cultural Nogara que nos presienta la suya ufierta formativa pa lo curso 21/22. Los conoixeremos de man d’o coordinador d’amostranza Serchio, d’os profesors de tercer curso Antón y Jorge y de l’alumna Irene.Empecipiaremos charrando d’a educación formal y d’os conflictos que bi ha habiu en istos primers compases. Tamién d’os centros socials, muitos d’ells en periglo. Y tendremos mosica con DeUsted y la presentación d’un nuevo calaixo de cancions: la canción laboral.

Tierra de Barrenaus 7×01 Cursos d’aragonés y #AlertaRoja

7 octubre, 2020 No hay comentarios

Empecipia una nueva temporada de Tierra de barrenaus radio, alto u baixo de vez que empecipian los nuevos cursos d’aragonés en tot lo país. Charramos con Serchio, lo nuevo coordinador d’amostranza de Nogara, qui nos explicará cómo han rematau los cursos 19/20 y qué ofierta formativa tienen pa iste nuevo curso.En la segunda parte charramos de Alerta Roja Hacemos eventos, una iniciativa que mira de desfender los dreitos laborals d’un sector que ye patindo firme la crisi economica derivada d’a sanitaria.Antimás, tos presiento la primer canción d’o programa y ubrimos lo primer calaixo de cancions. Como siempre, mosica, cultura, país y reinvidincación, prou que sí, en aragonés.Emitir nos fará vencer!

Bajo los adoquines está la 101.8 FM

Radio Libre

Zaragoza

Síguenos:

En directo

LOS TRES CUERVOS

Etiqueta: Nogara

Listado programas

Tierra de barrenaus 11×01. Una nueva temporada

Victorias. Tierra de barrenaus 9×17

O zaguer chilo VI. Tierra de barrenaus 9×14

Tierra de Barrenaus 9×02 Cursos d’Aragones 22_23

Tierra de barrenaus 9×01. de festival en festival

Tierra de barrenaus 8×16. chornadas d’as luengas y mas ixo rai

Tierra de Barrenaus 8×03 O Zaguer Chilo V

Tierra de Barrenaus 8×02 Cursos d’aragones

Tierra de Barrenaus 7×01 Cursos d’aragonés y #AlertaRoja