Tierra de Barrenaus archivos

…Y un paisache. Tierra de barrenaus 11×15

8 abril, 2025 No hay comentarios

Si de bella cosa podemos fer-nos la bamba en lo país ye de paisaches. De bonicos y de variaus. Tenemos de tot en muit poco territorio. Podría decir-se que ye una parte vital d’a nuestra identidat colectiva. En zagueras tot ixo ye en periglo en muitas partes, de nuevas, por ixa fambre de recursos intrinseca a lo desarrollismo capitalista. Chusé Alegre ye un activista embrecau en la causa de desfender lo suyo territorio y paisaches d’as Cinco Villas. Con el charramos sobre lo chandrío que son fendo las interpresas de renovables y cuantas atras por astí, como eixemplo d’o que ye ocurrindo por tot. Antes, aproveitamos la presencia de Tamara qui, como educadora ambiental, nos parlará tamién d’as zaguers modificacions en la lechislación sobre los lupos que bi ha habiu en l’estau espanyol y cómo va a afectar ixo a la suya conservación y supervivencia. Como imos cara lo día

O dichital y capezutos en luita. Tierra de barrenaus 11×13

11 marzo, 2025 No hay comentarios

Amanau a los diez anyos de comunicación radiofonica en aragonés, de cabo ta cuan he sentiu una sensación de soledat en tener poqueta chent arredol que faiga lo mesmo. Por ixo, cada vegada que naixe una nueva iniciativa que mira de trencar ixa comunicación y d’ixamplar las canals en aragonés, me foi bien contento de caminar mas acompanyau. En lo programa nuevo entrevistamos a Lorien, un d’os miembros de O dichital, un nuevo medio en aragonés d’información cheneralista que naixió fa bel mes. Tanimientres, la mía ciudat pateixe una alcaldesa encerrinada en acotolar cualsequier forma de cultura y borina popular. Entre que regala la ciudat a franquicias y eventos absurdos, l’autochestión y la iniciativa ciudadana no se troba que entrepuces, pinyoras u prohibicions. La zaguer, la tasa que se miró de cobrar a una comparsa de capezutos, ha provocau las criticas de toda una ciudat que creixió con ixos monyacos

Mallacán y El bigote de Aznar. Tierra de barrenaus 11×10

3 febrero, 2025 No hay comentarios

Nos ha quedau un programa bien mosical y ye que en Aragón tenemos muitismo calitre y una tradición artistica a saber qué ampla que fa buens fruitos. Empecipiamos, manimenos, por una banda que no vive en Aragón. Dende Madrit nos visita Raúl, cantaire de “El bigote de Aznar”, colla punk que fa servir l’aragonés en beluna d’as suyas composicions. Con el parlamos de luenga, de memoria historica, de mosica y de mas cosicas. Entre ellas, d’o concierto de Mallacán, lo motivo que le fació venir ta Zaragoza. Ixe concierto centra la segunda parte d’o programa. Analisamos muitas d’as cosas que pasoron en una chornada de recosiro y de recarga de pilas aragonesistas. Lo que se i vivió tamién ye lo tema d’a editorial, que publicaremos en uns días. Antes de rematar lo programa femos un repaso d’a patacada de conciertos que i hai en iste hibierno zaragozano. Muitas y buenas

Ha nevau. Tierra de barrenaus 11×07

26 diciembre, 2024 No hay comentarios

Los Punsetes cantaban ixo de “Que no pase un día sin que des la tuya opinión de mierda”. A los negacionistas d’o cambio climatico, les podríanos cantar “Que no caiga un nevazo si que contrimuestres la tuya ignorancia”. Y ye que con los primers flocos de nieu arriban los tuits d’o facherío creyendo que ixe nevazo ye la preba de que no i hai cambio climatico, que somos uns exacheraus y que cal cremar mas carbón y petrolio, que ixe ye lo futuro. Prou que sí, Jose Luis. En Tierra de barrenaus nos prenemos en serio ixo de fer información de servicio y, como ixa primer plomada d’o hibierno s’ha encertau (como ye lochico) con las vispras d’a cena de nadal, torna Tamara, la nuestra educadora ambiental pa dar-nos argumentos con que responder-le a lo parient “informau” que prebará de joder-nos la lifara. Antimás, tendremos una poesía d’Anchel Conte remerando

Aviento ye lo pior mes. Tierra de barrenaus 11×06

4 diciembre, 2024 No hay comentarios

Unatra vegada arriba lo nadal, la chent rebuteixe felicidat… deciba lo clasico de S.A. Y yo, que soi un grinch y que en que s’acerca aviento no deixo d’ascuitar-la, empecipio lo programa con una editorial en contra d’iste mes que tanta pampurria me fa y, de man de Tamara, que no ye d’alcuerdo con lo ferrete que tos doi, tos proposamos de fer-nos arribar iniciativas que se sigan fendo en contra d’istas “fiestas”. Charrando de ronyazas, damos treslau d’una carta que hemos recibiu en la radio, que cualcún le ha escrito a un tal “corrector compulsivo”. Si estudeas aragonés, ye probable que haigas conoixiu bel caso d’o que se i parla. En l’apartau mosical, antiparte d’una canción anti-nadal, conoixeremos a Craba Roya, una banda que fa metalcore en aragonés, y charraremos d’o concierto por lo País Valenciano que se fació en istos días en la sala de Las Armas, con

Popurri a priori. Tierra de barrenaus 11×05

19 noviembre, 2024 No hay comentarios

Nuevo programa popurri a on que tornamos con buena cosa de contenius, que empecipian con una editorial relacionada con la dana d’o País Valenciano, lo cambio climatico y lo papel d’a comunidat cientifica y los movimientos ecolochistas. En la parte mas creativa, trayemos poesía y narrativa. Pa la primera contamos con Cardelina un poema bien bonico escrito por la Ángeles Marto que nos presienta y recita ella mesma. En l’apartau d’os relatos, en locuto un d’o reto Inktober de 2020: Amagar. Una historia a on que, igual como en la poesía, tamién i hai presencia de muixons. Ye tamién un programa a saber qué mosical. Empecipiamos con mosica de Los Bengala que han anunciau nuevo disco que se presentará en iste mesmo mes. Seguimos con una ida de flama que me dio por una canción de Biznaga que se me fa masa pareixida a unatra de Aviadro DRO como pa

Popurri oficial. Tierra de barrenaus 11×04

14 noviembre, 2024 No hay comentarios

Dimpués de tanto especial, ya tocaba un programa normal, un a on que presentar-tos beluna d’as novedaz y seccions que quereba trayer en ista temporada que nos enfila ent’os 10 anyos de programa. Tot un popurri de contenius que arriba precediu por una editorial adedicada a la oficidalidat de l’aragonés. Empecipiamos con una nueva sección-concurso a on que tos proposamos endevinar una canción que he traduciu a l’aragonés. La respuesta, a la fin d’o programa, pa que tos quedez tot lo rato. Continamos con unatra sección que ya me feba muitas ganas d’empecipiar: un espacio poetico. La primer convidada ye Lucía López, ganadora d’o Premio Arnal Cavero por «Cuan plegue o colapso«, que nos traye un d’os poemas publicaus en ixa obra. En Pase de prensa, damos treslau de noticias sobre la Espluca de Chaves u lo Consello d’Europa que carranya a Aragón por no tener en lo suyo estatuto

Tierra de barrenaus 11×03. Especial Pilars

30 octubre, 2024 No hay comentarios

Nos hemos trobau con uns Pilars jautos, sin morfuga fiestera por las carreras, con una ufierta cultural radida, monotona y menos plural que no nunca. En l’atro costau, un teixiu social y cultural que sabe fer-se valer y imple de conteniu y borina istos días a pesar d’a parrafiquera d’entrepuces administrativos y lochisticos y de l’acoso policial.

Tierra de barrenaus 11×02. Especial cursos d’aragonés 24/25

29 octubre, 2024 No hay comentarios

L’acto de Devantadera de Nogara marca la fin d’un curso y l’empecipiar d’o siguient. L’alumnau que ha pasau por las nuestras clases presienta los suyos prochectos, replega los titols y, sobre tot, se chunta pa alparciar lo que s’ha feito en ixe vrano y fer plans pa lo nuevo curso. De cutio, antimás, se fa bella actividat y en ista edición me permitioron fer la gravación d’un programa con publico. Ixe que ya leva bel anyo y que ye l’especial sobre los cursos d’aragonés de Nogara. En lo local de Treziclo, un repoliu centro social que ye mirando nuevos colectivos y asociacions que l’ocupen, nos chuntemos buena cosa d’alumnas, socias y amigas de l’aragonés. Faciemos un programa, como los que mas goyo me fan, con voces a-saber-las, los micros ubiertos y participación arrienda. Hora y meya dimpués, meteba la zaguer canción, empecipiaba a replegar cataticos y feba la comprebación de

Bajo los adoquines está la 101.8 FM

Radio Libre

Zaragoza

Síguenos:

En directo

Categoría: Tierra de Barrenaus

Emisión en Directo

Repeticiones

Listado programas

…Y un paisache. Tierra de barrenaus 11×15

O dichital y capezutos en luita. Tierra de barrenaus 11×13

Mallacán y El bigote de Aznar. Tierra de barrenaus 11×10

Ha nevau. Tierra de barrenaus 11×07

Aviento ye lo pior mes. Tierra de barrenaus 11×06

Popurri a priori. Tierra de barrenaus 11×05

Popurri oficial. Tierra de barrenaus 11×04

Tierra de barrenaus 11×03. Especial Pilars

Tierra de barrenaus 11×02. Especial cursos d’aragonés 24/25