Arribamos en la metat d’a temporada con una entrevista a la multipremiada Lucía López, la muller que i hai dezaga d’o prochecto de comunicación sobre agroecolochía Mallata. Tendremos tamién un nuevo relato d’a man d’un conoixiu escritor y cantaire d’indie-pop y dos cancions de dos bandas que presentarán discos en istos meses.
La fin de 2021 plega plena de buenas noticias que se quedan amagadas por la evolución d’a pandemia. Manimenos, nos quedamos con ixa parte bonica d’a vida: iniciativas a favor de l’aragonés, premios bien mereixius y la mosica tornando t’os scenarios. De novedatz mosicals, tamién en charramos, presentando bella canción d’o nuevo disco de Fongo, lo nuevo nombre d’a banda Fongo Royo, que edita nuevo treballo. Lo programa se completa con la locución d’un d’os relatos d’o reto Inktober que se publicó fa poquet en lo fanzine L’aragonMés, y con una nueva canción d’o calaixo d’a canción laboral. Pasatz un buen cabo d’anyo. Nos sentimos en 2022
