Nuevo programa de Tierra de barrenaus a on que charremos con l’historiador Guillén Tomás sobre la organización interna d’a Corona d’Aragón y celebremos lo Diya Internacional d’a Luenga Materna, sentindo y leyendo las vuestras aportacions sobre experiencias positivas en aragonés. Antimás, lo resumen d’o blog y la millor mosica.
Nuevo programa de Tierra de barrenaus radio, con l’actualidat arredol d’a luenga aragonesa a finals de febrero de 2017. Charro d’a nueva propuesta grafica presentada por a Dirección Cheneral de Politica Lingüistica d’o Gubierno d’Aragón y de belunas d’as actividatz feitas con motivo d’o Diya d’a luenga materna. Charramos con David y Marco d’una actividat feita en l’IES Joaquín Costa de Carinyena y d’o programa Nieus Luzía Dueso. Cherardo nos presienta a zaguer obra de teatro d’a companyía Fosca Delera. Con ell y Tamara charramos bell poquet d’as Bodas de Isabel. Ta rematar, Edu y Mario nos charran d’o Chueves lardero y atras actividatz feitas por Nogara con a gastronomía como elemento important.
Programa gravau con publico en l’espacio colectivo Treziclo con motivo d’o Diya Internacional d’a Lengua Materna, remerando os feitos que levoron a que se celebre iste diya y a toda la chent que luitó, luita y luitará en esfensa d’os suyos dreitos lingüisticos.
