Masiau a soben tiengo ixa sensación de que tal u qual colla de mosica ye infravalurada u que se l’ha olvidau inchustament. Podeba nombrar-ne bell ciento, pero como ixo daría pa muito rato, facié iste programeta de dos horas an que repaso cinco d’ixas collas. Mesmo entre qui trunfa, se troba cantas que no tenioron exito inexplicablement, asinas que tamién
Etiqueta: Tierra de barrenaus
Tierra de barrenaus 2×09. Abril por l’aragonés
Mientres más de dos horas repasemos y charremos sobre todas as actividatz organizadas adintro de “Abril por l’aragonés”. L’Asociación Cultural Nogara celebró os suyos 25 anyos de faina por a luenga y os dreitos lingüisticos, con charradas, conciertos y actividatz de toda mena, arroclando-ie a centenars de personas.
Tierra de barrenaus radio 2×08. O soberanismo en Aragón (2/2)
Segundo programa sobre o soberanismo en Aragón, con a participación de quatre mullers que nos recontan a suya anvista sobre iste movimiento politico
Tierra de barrenaus 2×07 O soberanismo en Aragón (1/2)
Primer programa de dos, an que debatimos quatre mesaches activistas sobre o soberanismo en Aragón. Se completa con un segundo programa an que debaten quatre mesachas.
Tierra de barrenaus radio 2×06 Diya d’a Lengua Materna
Programa gravau con publico en l’espacio colectivo Treziclo con motivo d’o Diya Internacional d’a Lengua Materna, remerando os feitos que levoron a que se celebre iste diya y a toda la chent que luitó, luita y luitará en esfensa d’os suyos dreitos lingüisticos.
Tierra de barrenaus 2×05 A mosica en Aragón(es)
Dos horas de programa an que charremos con mosicos sobre a mosica aragonesa y sobre a mosica en aragonés y en catalán. Estiemos con Chabi, Fernando y Jandro en l’estudio y charremos por telefono con Marc y Roberto. Totz mosicos de collas tant miticas como Mallacán, Prau, Gaire, Dechusban, Comando Cucaracha, La Orquestina del Fabirol u Los Draps.
Tierra de barrenaus 2×03. A rebelion aragonesa de 1591
Programa sobre os feitos que tenioron lugar arredol d’o 1591 en Aragón y que se conoixioron como “Alteracions d’Aragón”. Con Lorient Jiménez y Daniel Lerín, dos grans historiadors aragoneses charremos d’os feitos que rematoron con l’asesinato de Chuan V de Lanuza Chusticia d’Aragón, y muitos atros foristas que se concaroron con Felipe II d’Espanya, ta defender os dreitos y as
Tierra de barrenaus 2×02 Cacegadas (Lost)
Programa de dos horas de raso en aragonés sobre a serie Lost (cacegadas). Os personaches, os misterios, as actrices, … tot sin mica criterio, nomás tres fans charrando-ne.
Tierra de barrenaus 2×01. Andorra y redolada
Prencipia a segunda temporada con más de dos horas sobre o lugar d’Andorra (Teruel) y a suya redolada. A ruta d’o tambor y o bombo, a minería, a Central Termica, o dance d’Alloza, o Carrasca Rock, as clases d’aragonés, …. muitos temas con muito suco ta prencipiar a conoixer ixos lugars. Y recuerda que puetz leyer-ne más en o blog.
Tierra de barrenaus 1×06. Temazos
Rematamos a primer temporada de Tierra de barrenaus Radio con un programa mosical. Con Ruben, Dabi y Guindilla de convidaus, compartiemos mosicas y temazos y nos faciemos buenas risas. Ya puetz leyer a entrada que facié en o blog: http://barrenau.blogspot.com.es/2015/09/temazos-tierra-de-barrenaus-radio-1×06.html y ascuitar o programa!