Programa sobre a XVIII edición d’os Premios d’a Mosica Aragonesa. A gala se celebró en o Teatro Principal de Zaragoza en abril de 2017 y bi estiemos pa contar-lo, charrar-ne y, sobre tot, pasar un buen rato entre quatre amants d’a mosica aragonesa.
Etiqueta: Tierra de barrenaus
Tierra de barrenaus 3×07. Escribindo en aragonés
Quatre personas charran d’as suyas experiencias escribindo en aragonés. Luzía, autora d’o blog Mallata. Dabi, autor de Punto – Seguiu. Tamara, parte d’o fanzine feminista Mullers y Cordials. Ruben, ganador de dos premios Arnal Cavero. Tot ixo entre muitas atras cosas que han feito, en toda mena de formatos y, prou que sí, en aragonés.
Tierra de barrenaus 3×06. Diya d’a luenga materna 2017
Nuevo programa de Tierra de barrenaus radio, con l’actualidat arredol d’a luenga aragonesa a finals de febrero de 2017. Charro d’a nueva propuesta grafica presentada por a Dirección Cheneral de Politica Lingüistica d’o Gubierno d’Aragón y de belunas d’as actividatz feitas con motivo d’o Diya d’a luenga materna. Charramos con David y Marco d’una actividat feita en l’IES Joaquín Costa
Tierra de barrenaus 3×05. A cinta que me fació goyo
Chuntar-se quatre frikis y decir-les trayer-tos tres pelis que tos haigan feito goyo pa charrar-ne. Asinas de simple ye o planteyamiento d’iste nuevo Tierra de barrenaus radio. Y asinas han saliu 12 pelis curiosas, diferents, frikis, u como queratz clasificar-las.
Tierra de barrenaus 3×04. Resumen 2016
Programa quasi improvisau an que comentamos bella noticia de l’anyo 2016. Aragón, l’aragonés, Zaragoza, o proceso indepedentista catalán, os montaches policials, os discos de l’anyo, … y todas as chorradas que se nos ocurrioron durant as dos horas que nos i estiemos.
Tierra de barrenaus 3×03. Versions
Dos horicas de programa con versions mosicals raras, desconoixidas, orichinals, bizarras, u que simplament me feban goyo. Y como siempre, todas as mosicas y todas as luengas i cullen en iste programa de raso en aragonés.
Tierra de barrenaus 3×02 Patrimonio Industrial en Aragón
Programa sobre o Patrimonio Industrial en Aragón. Charramos con tres activistas y expertos sobre a linia ferria d’o Canfranc, a fabrica de Averly y o patrimonio minero d’o Baixo Aragón. Un programa que asperemos que faiga reflexionar y valurar en a suya mesura un patrimonio tant a soben ixuplidau por l’administración y mesmo a sociedat.
Tierra de barrenaus 3×01 Sé lo que facietz iste verano
Primer programa d’a temporada 2016/2017 con quatre experiencias estiveras. Un viache por Rumanía, una via verda en bicicleta dende Nonasp dica Deltebre, a organización d’o festival Esfendemos a Tierra, y a penya Albahaca Reberde, una experiencia alternativa en as fiestas mayors de Uesca. Quatre experiencias recontadas por as suyas protagonistas.
Tierra de barrenaus 2×12. Temazos 2
Programa de fin de temporada, an que Dabi, Ruben y yo estiemos metendo temazos y charrando de mosica. Ista vegada adintro de quatre categorías de canta: matacunyaus, motivadera, versión y estivera. Con concurso y tot! Buena mosica, muitas fateras y tot, en aragonés. Fa un anyo, quatre amigos radiotoperos perpetroron un d’os piors programas emitius dende que Marconi plachió a
Tierra de barrenaus 2×11. Barrenaus de chelo y fuego
Programa sobre a serie literaria Canta de chelo y fuego (Song of ice and fire) y a serie de TV Chuego de tronos (Game of thrones). Lo que prencipió como unas noveltas pa fans d’a fantasía medieval, ha esdeveniu de rapiconté en un fenomeno social y cultural. Por quasi tres horas, tres fans charramos dende diferents anvistas sobre a saga. O