Chuntar-se quatre frikis y decir-les trayer-tos tres pelis que tos haigan feito goyo pa charrar-ne. Asinas de simple ye o planteyamiento d’iste nuevo Tierra de barrenaus radio. Y asinas han saliu 12 pelis curiosas, diferents, frikis, u como queratz clasificar-las.
Programa quasi improvisau an que comentamos bella noticia de l’anyo 2016. Aragón, l’aragonés, Zaragoza, o proceso indepedentista catalán, os montaches policials, os discos de l’anyo, … y todas as chorradas que se nos ocurrioron durant as dos horas que nos i estiemos.
Dos horicas de programa con versions mosicals raras, desconoixidas, orichinals, bizarras, u que simplament me feban goyo. Y como siempre, todas as mosicas y todas as luengas i cullen en iste programa de raso en aragonés.
Programa sobre o Patrimonio Industrial en Aragón. Charramos con tres activistas y expertos sobre a linia ferria d’o Canfranc, a fabrica de Averly y o patrimonio minero d’o Baixo Aragón. Un programa que asperemos que faiga reflexionar y valurar en a suya mesura un patrimonio tant a soben ixuplidau por l’administración y mesmo a sociedat.
El Kantamañanas (escuitar) Cuerdas de Acero (escuitar) Skándalo en las Ondas (escuitar) Dos caras y una cruz Tierra de Barrenaus (escuitar) L’Acrataire (escuitar) Con la casa en la mochila (escuitar) Radio La Granja (escuitar) A Fardacha Roya (escuitar) Luita libre (escuitar) En a línia d’o frent (escuitar) Electrokrazia (escuitar) Ligallo de Fablans de l’Aragonés (escuitar) Curso 0 d’aragonés por l’ACVA
Ya ye tot presto pa que iste cabo de semana, l’aragonés y o catalán plenen o 101.8 d’a FM zaragozana. Os venients sabado 5 y domingo 6 de noviembre tornará “D’estrela a estrela”, a emisión especial anyal que Radio Topo 101.8 FM organiza dende fa ya seis edicions y que estianyo blincará as 18 horas de programación. L’orichen d’ista emisión,
Primer programa d’a temporada 2016/2017 con quatre experiencias estiveras. Un viache por Rumanía, una via verda en bicicleta dende Nonasp dica Deltebre, a organización d’o festival Esfendemos a Tierra, y a penya Albahaca Reberde, una experiencia alternativa en as fiestas mayors de Uesca. Quatre experiencias recontadas por as suyas protagonistas.
Programa de fin de temporada, an que Dabi, Ruben y yo estiemos metendo temazos y charrando de mosica. Ista vegada adintro de quatre categorías de canta: matacunyaus, motivadera, versión y estivera. Con concurso y tot! Buena mosica, muitas fateras y tot, en aragonés. Fa un anyo, quatre amigos radiotoperos perpetroron un d’os piors programas emitius dende que Marconi plachió a
Masiau a soben tiengo ixa sensación de que tal u qual colla de mosica ye infravalurada u que se l’ha olvidau inchustament. Podeba nombrar-ne bell ciento, pero como ixo daría pa muito rato, facié iste programeta de dos horas an que repaso cinco d’ixas collas. Mesmo entre qui trunfa, se troba cantas que no tenioron exito inexplicablement, asinas que tamién
Mientres más de dos horas repasemos y charremos sobre todas as actividatz organizadas adintro de “Abril por l’aragonés”. L’Asociación Cultural Nogara celebró os suyos 25 anyos de faina por a luenga y os dreitos lingüisticos, con charradas, conciertos y actividatz de toda mena, arroclando-ie a centenars de personas.
