Encetemos iste programa especial con uns versos d’a nuestra amiga Julia Barrau.
No sabemos quan deixemos que nos fesen creyer que existen luengas millors que no atras. No sabemos quan, pero a sociedat ye chopada d’iste sentimiento. Luengas que no’n son. Febles dialectos. Luengas oficials ta odiar atras. Vencedors. Cultura imposada. Tierra cremada.
As luengas son de totz y de dengun, de vez. As leis son de qui las fan, simplament. No somos guaire de confitar en politicos, tampoco no en leis. Femos servir l’aragones como ferramienta de comunicacion, y luita, de tantas luitas como cullen en una luenga. Qualsiquier atra persona puede fer servir ista ferramienta ta escribrir polius versos, fer cantas, criar uellas u entender o mundo. Ye ista ferramienta d’a humanidat a que imos a esfender.
Con istas parolas anunciabanos iste programa especial do tractemos a derogacion de l’actual Lei de Luengas y faciemos una rufierta d’analis cheneral con l’aduya d’uns convidaus de luixo: Mario Sasot, filologo, periodista y director de Temps de Franja; Miguel Sasot, catalanofablant de Saidí; Marco Antonio Joven, Licenciau en Humanidatz y profesor d’aragones en O Trango; Chorche Romance, periodista, historiador y fundador d’o diario dichital Arredol.
A ran mosical trobemos un forau entre tanta parola t’ascuitar una canta d’o cantautor favarol Ángel Villalba, perteneixent a o treballo suyo Olivera d’Aragó y con una letra muit adequada a la tematica d’o programa. Sonon tamien Los Draps, El Corazón del Sapo y, ta rematar, una canta traducida de Revolta 21 clamada El mateix que tu sents
Podcast: Reproducir en una nueva ventana | Descargar
Suscríbete: RSS
