«D’estrela a estrela» fa 5 anyos
Por cinqueno anyo, Radio Topo 101.8 FM organiza a ya consolidada emisión de raso en aragonés (y catalán) «Destrela a estrela» Tendrá por calendata os días sabado 7 y domingo 8 de noviembre y podrá escuitar-se en o 101.8 d’a FM zaragozana, online a traviés d’a pachina web de Radio Topo u seguir-se en os retz socials con o hashtag #estrela5
Diferents programas plenarán as más de 16 horas d’emisión d’ista edición. I participarán programas semanals de Radio Topo 101.8 FM (El Flus Flus, Electrokrazia, Skándalo en las Ondas, L’Acrataire, Dos Caras y una Cruz, Ciutat Podrida y Tierra de Barrenaus), atros que tornan ta ista emisión (El Rocktubernio, A Hora Charrante, A Liedrera y L’Acorazau Topemkin), programas especials feitos de propio t’a ocasión (El gato a l’augua y Mallata), y amás, programas d’atras Radios Libres d’a ciudat como Radio La Granja y Radio MAI.
L’orichen d’ista emision, unica en tot Aragón, naixió en 2011 como conmemoración d’a sinya d’a Carta Europeya d’as Luengas Minoritarias. China-chana a emisión ha iu creixendo y, en ista cinquena edición, igual como en l’anterior, s’emitirá mientras tot un cabo de semana.
O cartel ye obra de l’artista aragonés Rubén Hervás, que repite ilustrando un corazón que represienta que l’aragonés, a luenga en mayor risgo de desapareixer de toda Europa seguntes a UNESCO, encara ye una luenga viva.
Parrilla d’emisión #estrela5
Sabado 7.-
08-09 A Hora Charrante
09-10 El Flus Flus
10-11 Electrokrazia
11-12 El Rocktubernio
12-13 Skándalo en las Ondas
13-14 El gato a l’augua
14-15 Mallata
15-16 Radio La Granja
16-17 L’Acrataire
17-18 Dos Cara y una Cruz
18-19 Ciutat Podrida
19-20 A Liedrera
Domingo 8.-
09-10 Mosica y Parolas (Radio MAI)
10-12 Tierra de Barrenaus
12-13 L’Acorazau Topemkin
Concierto #estrela5
Ya en l’apartau festivo, a chornada contará con un concierto d’as collas Los Olvidados de la Morgue (presentando o suyo nuevo treballo «Never Mind the Co») y Hermanos Alasramas en l’Arrebato (C/ Palafox) a las 20h d’o sabado 7 de noviembre.
