Versión radiofonica d’o blog Tierra de barrenaus. Los domingos de 21 a 23h.
Más de diez anyos fendo servir l’aragonés pa charrar de tot: mosica, politica, frikadas, historia, lengua, … Si yes farta de cunyaus, ascuita y leye Tierra de barrenaus
Tornan, dimpués d’o tiempo d’as restriccions por la pasa, las Chornadas d’as luengas d’Aragón que organiza l’Asociación Cultural Nogara – Religada. Un programa que se desarrollará entre lo 18 y lo 26 d’abril y que, igual como totz los anyos, acullirá charradas sobre las luengas, antimás d’a prochección d’un documental y una trobada d’escalada en aragonés. Repasamos tot lo programa
A menos d’un mes t’o concierto que tornará a chuntar a Ixo rai! en Tierra de barrenaus femos un especial a on que repasamos toda la suya discografía y ascuitamos las colaboracions que hetz ninviau las oyents d’o programa. Una banda que fació historia en la mosica aragonesa y que nos marcó a toda una cheneración
Dende la imposibilidad d’estar-nos allenos a l’actualidat informativa, prebamos de dar unatra envista sobre la invasión rusa de Ucraina. En un paisache informativo mas censurau que nunca y a on que qualsiquier que se salga d’a opinión hechemonica ye atacau de camín, la información d’os medios libres ye mas necesaria que nunca.En ixa mesma linia contrainformativa, prebamos de trencar lo
S’ubren las salas de conciertos y de camín s’implen de conteniu. De man de Rubén y Carlos y rechirando por las webs mosicals, charramos d’os conciertos de Crim, China chana y Fongo qui estioron en Zaragoza y Uesca presentando las suyas propuestas mosicals.En la parte literaria tos recomiendo bell par de libros bien basicos y que creigo que pueden fer
Arribamos en la metat d’a temporada con una entrevista a la multipremiada Lucía López, la muller que i hai dezaga d’o prochecto de comunicación sobre agroecolochía Mallata. Tendremos tamién un nuevo relato d’a man d’un conoixiu escritor y cantaire d’indie-pop y dos cancions de dos bandas que presentarán discos en istos meses.
Nuevo programa mosical de Tierra de barrenaus a on que ascuitaremos beluna d’as novedatz d’istos zaguers meses a on que a-saber-las artistas han feito nuevas cancions y anunciau la publicación de nuevos discos. 2022 promete estar un anyo bien moviu y divertiu con la tornada d’os conciertos y festivals, asinas que toca ascuitar todas ixas nuevas cancions que i sonarán.
La fin de 2021 plega plena de buenas noticias que se quedan amagadas por la evolución d’a pandemia. Manimenos, nos quedamos con ixa parte bonica d’a vida: iniciativas a favor de l’aragonés, premios bien mereixius y la mosica tornando t’os scenarios. De novedatz mosicals, tamién en charramos, presentando bella canción d’o nuevo disco de Fongo, lo nuevo nombre d’a banda Fongo
Tierra de Barrenaus 8×07 Especial Comics 2021 Aviento ye, en Zaragoza, lo mes d’o comic. Los dias 17, 18 y 19 se celebra en la ciudat lo Salón d’o Comic, una cita anyal que torna dimpués d’haber-se de supender por la pasa, y que arrocla autoras, editorials, librerías, aficionadas y toda mena de personas chuntas por la pasión por iste
Con la tornada t’a normalidat que vivimos gracias a los nivels de vacunación que disfrutamos vacunadas y no vacunadas, torna tamién las exposicions, las presentacions de libros y las manifestacions en lo formato precovid, alto u baixo. Empecipiamos lo programa charrando d’aquarelas con Dabi Anquela que presienta una exposición en lo lugar de Biniés, en la Chacetania.Tendremos tamién una sección
En lo nuevo Tierra de barrenaus radio nos n’imos de viache con Nuei y lo suyo nuevo disco El viaje. Nueu nuevas cancions que nos transportan ta diferents puestos d’o planeta sin deixar perder la referencia aragonesa. Los podiemos ascuitar en directo en lo concierto que organizó Caracol Zaragoza pa recibir a la Chira zapatista por la vida lo pasau
